Mərkəz 20 sentyabr 2022-ci il tarixində UNEC ailəsinin mental və psixoloji sağlamlığının prioritetləşdirilməsi məqsədilə yaradılmışdır.
Əsas fəaliyyət istiqamətləri:
Məsləhət xidmətləri: Biz emosional və psixoloji problemlərin geniş spektrini həll etmək üçün tam məxfi olan məsləhət xidmətlərini təklif edirik. Lisenziyalı məsləhətçilərimiz müraciətçiləri dinləmək, dəstək olmaq və çətin anlardan keçməkdə kömək etmək məqsədilə fəaliyyət göstərirlər.
Mental Sağlamlıqla bağlı Maarifləndirilmə tədbirləri: Biz mental sağlamlıq problemləri haqqında məlumatlılığı artırmaq və stiqmadan azad bir mühit yaratmaq üçün fəal şəkildə işləyirik. Seminarlar və kampaniyalar vasitəsilə biz mental sağlamlıq və onun ümumi rifahdakı əhəmiyyətini daha dərindən dərk etməyə çalışırıq.
Mental böhran dövründə psixoloji dəstək: Mərkəz kəskin emosional sıxıntı və ya psixoloji böhranla üzləşən insanlar üçün vaxtında və effektiv şəkildə psixoloji dəstək göstərir. Komandamız ehtiyacı olanların təhlükəsizliyini və mental sağlamlığını təmin etmək üçün tez və çevik şəkildə müdaxilə etmək məqsədilə təlim keçmişdir.
Təhsil Proqramları: Stressin idarə edilməsi, psixoloji davamlılıq və emosional zəkaya yönəlmiş təhsil proqramları təqdim edirik. Bu proqramlar insanlara onların mental sağlamlığına və ümumi həyat keyfiyyətinə müsbət təsir göstərən bacarıqları inkişaf etdirməyə imkan verir.
Məxfilik:
Məxfilik bizim üçün çox vacibdir. Mərkəz tərəfindən dəstək istəyən hər bir müraciətçinin şəxsi məlumatlarının məxfiliyini təmin edilir. Məsləhətçilərimizlə bütün qarşılıqlı əlaqələr peşəkar etik prinsiplərə və hüquq normalarına uyğun olaraq tam məxfilik şəraitində aparılır.
İştirakçılıq:
UNEC ailəsinin bütün üzvlərini təşəbbüslərimizdə, seminarlarımızda və tədbirlərimizdə fəal iştirak etməyə çağırırıq. Sizin iştirakınız mental sağlamlığın prioritet olduğu və qayğı göstərdiyi dəstəkləyici mühit yaratmağa kömək edir.
Biz inanırıq ki, Psixoloji Xidmət Mərkəzində mental sağlamlığınızın qayğısına qalmaq həm şəxsi, həm də akademik uğur üçün çox vacibdir. Biz birlikdə möhkəm və inkişaf edən UNEC ailəsi qura bilərik.
Psixoloji Xidmət Mərkəzinin əsas missiyası UNEC icmasının bütün üzvləri üçün əlçatan və hərtərəfli mental sağlamlıq xidmətlərini təmin etməkdir.
Biz emosional rifahı, psixoloji dayanıqlılığı və şəxsi inkişafı təşviq edən kampus mədəniyyəti yaratmağa sadiqik.
Biz tələbələrin ruhi sağlamlığını dəstəkləmək məqsədi ilə stresi idarə etmək, özünə qayğı göstərmək və sağlam əlaqələr qurulması mövzusunda məsləhətlər təqdim edirik.
Bu məsləhətlər ümumi tədbir və görüşlər zamanı, tələbələrimizin hər birinin ruhi sağlamlığını qorumaq, inkişaf etdirmək və təcrübələrini inkişaf etdirmək üçün təmin edilmişdir.
