İsayev Söhrab Zülfüqar oğlu 15 fevral 1976-cı ildə Ağcabədi şəhərində andan olmuşdur.
1993-cü ildə S.Vurğun adına  Ağcabədi şəhər 4 saylı orta məktəbi bitirmişdir.
Həmin il ETM “Təfəkkür” Universitetinin “İqtisadiyyat və idarəetmə” fakultəsinə daxil olmuşdur.
1997-ci ildə təhsilini başa vuraraq, 1998-ci ildə Azərbaycan Dövlət İqtisad Universitetinin “İqtisadiyyatın tənzimlənməsi” fakultəsinin magistraturasına daxil olmuşdur.
2000-ci ildə magisrtatura pilləsini başa vuraraq  2001-ci ildə Azərbaycan Dövlət İqtisad Universitetinin aspiranturasına daxil olmuşdur.
2005-ci ildə dissertasiya işimni müdafiə edərək iqtisad üzrə fəlsəfə doktoru elmi dərəcəsi almışdır.

Azərbaycan Dövlət İqtisad Universitetinin «İqtisadi hüquq» kafedrasının dosenti  vəzifəsində çalışıb.
2012-ci ildə “İqtisadi hüquq” kafedrasına elmlər doktoru proqramı üzrə dissertant təhkim olunmuşdur.
UNEC-in Tədrisin keyfiyyətinin qiymətləndirilməsi və idarə edilməsi mərkəzinin direktor müavini vəzifəsində işləyib.
19.10.2020-2024- cü ilə kimi  UNEC İmtahan mərkəzinin direktoru vəzifəsində çalışıb.
03.09.2024-cü il tarixdən Beynəlxalq magistratura və doktorantura mərkəzinin rəhbəri vəzifəsinə keçirilib.
Hal-hazırda "İqtisadi və texnoloji elmlər kafedrasının dosentidir.

İnvestisiya qoyuluşları və iqtisadiyyatın tənzimlənməsi məsələlərinə dair ümumilikdə 20-dən artıq elmi məqalənin, tədris proqramının,  metodik vəsaitin və «İnvestisiya fəaliyyətinin hüquqi tənzimlənməsi» və “İqtisadi hüquq” adlı dərs vəsaitlərinin müəllifidir.

Azərbaycan Respublikası Prezidentinin 24 sentyabr 2020-ci il tarixli Sərəncamı ilə Azərbaycan Dövlət İqtisad Universitetinin 90 illiyi münasibətilə və Azərbaycanda təhsilin inkişafındakı xidmətlərinə görə “Tərəqqi” medalı ilə təltif edilib.

Ailəlidir, iki övladı var.