Ümumi müddəalar
1. Şöbə Azərbaycan Dövlət İqtisad Universiteti nəzdində İqtisadi Araşdırmalar Elmi-Tədqiqat İnstitutunun struktur bölməsidir, Universitetin rektoruna və İnstitutun rəhbərliyinə tabedir.
2. Şöbə öz fəaliyyətini Azərbaycan Respublikasının qanunvericilik və normativ sənədlərini, Universitetin daxili qaydalarını, rəhbərliyin əmr və sərəncamlarını və Elmi Şuranın qərarlarını rəhbər tutaraq,
institutun iş planları və rəhbərliyin tapşırıqları əsasında həyata keçirir.
3. Şöbə öz fəaliyyəti haqqında Universitetin və institutun rəhbərliyi qarşısında hesabatlıdır.
Şöbənin vəzifələri
● Elmi-tədqiqat işlərinin təsdiq olunmuş plana uyğun vaxtında və tələb olunan səviyyədə yerinə yetirilməsi;
● Şöbənin elmi fəaliyyəti nəticələrinin hesabat, məruzə, arayış formasında ümumiləşdirilərək, universitetin və institutun
rəhbərliyinə təqdim olunması;
● Klasterial inkişaf və innovasiya sahələrində aparılacaq elmi araşdırmaların respublikada və digər təşkilatlar tərəfindən aparılan elmi-tədqiqat işləri ilə əlaqələndirilmiş şəkildə həyata keçirilməsi;
Şöbənin fəaliyyət iqtiqamətləri
● Klasterial inkişaf və innovasiya sahəsində informasiya bazasının formalaşdırılması;
● Ölkədə Milli İnnovasiya Sisteminin formalaşması və inkişafı, innovasiya infrastrukturunun qurulması və innovasiya siyasətinin
əsas istiqamətlərinin müəyyənləşdirilməsi istiqamətində araşdırmaların aparılması;
● Klasterial inkişaf və innovasiya sahələrində mövcud problemlərin elmi-nəzəri cəhətdən əsaslandırılması, onların həlli imkanlarının araşdırılması və mövcud problemlərin aradan qaldırılması istiqamətlərinin işlənməsi;
● Klasterial inkişafın hüquqi əsaslarının yaradılması və inkişaf etdirilməsi, habelə sənaye, xidmət və kənd təsərrüfatı sahələrində klasterial inkişafın təmin edilməsi sahəsində tədqiqatların aparılması;
● Ölkənin iqtisadi, sosial və intellektual potensialının
möhkəmləndirilməsi, informasiya, biliklərə əsaslanan, rəqabətə davamlı iqtisadiyyatın qurulması, informasiya və bilik bazarının yaradılması və inkişaf etdirilməsi sahəsində mövcud problemlərin təhlili;
●İqtisadi inkişafın biliklərə əsaslanan iqtisadiyyat üzrə qurulması və bilikləryönlü iqtisadi inkişafın təmin edilməsi istiqamətində mövcud problemlərin tədqiqi;
Əsasnamə
