Kafedra müdiri
Kafedranın tarixi
UNEC-in Elmi Şurasının 16 sentyabr 2022-ci il tarixli iclasının qərarına əsasən ,,Biznesin idarə edilməsi” kafedrasının adı dəyişdirilələrk “Biznes və logistika” kafedrası adlandırılmışdır.
UNEC-in Elmi Şurasının 31 may 2022-ci il tarixli iclasının EŞ 183 №-li Qərarının icrasını təmin etmək məqsədilə 02.09.2022-ci il tarixdən “Ticarət və gömrük işinin təşkili” və “Menecment” kafedraları ləğv edilsin və “Biznesin idarə edilməsi” kafedrasına birləşdirilmişdir.
Azərbaycan Dövlət İqtisad Universitetində 2001-ci ildə yeni ixtisas – “Biznesin təşkili” və “İdarəetmənin təşkili” kafedraları yaradılmışdır. 2008-ci ildə həmin kafedralar birləşdirilərək “Biznes inzibatçılığı” kafedrası adlandırılmışdır. Yarandığı vaxtdan 2008-ci ilədək “Biznesin təşkili” kafedrasına i.e.d., professor AR-nın əməkdar müəllimi Alıcan Abbasov, “İdarəetmənin təşkili” kafedrasına isə i.e.n.prof. AR-nın əməkdar iqtisadçısı Rəhim Rəhimov rəhbərlik etmişdir. 2008-2011 ci illərdə “Biznesin inzibatçılığı” kafedrasına rektorun müvafiq əmri ilə i.e.d., professor Alıcan Abbasov rəhbərlik etmişdir.
2011-ci ilin noyabr ayından etibarən kafedra “Biznesin idarə edilməsi” adı altında fəaliyyət göstərib.
11 noyabr 2011-ci il tarixindən etibarən “Biznesin idarə edilməsi” kafedrasının müdiri vəzifəsinə iqtisad üzrə fəlsəfə doktoru, dosent, AR-nın əməkdar müəllimi Məhəmməd Ələkbər oğlu Əliyev seçilmişdir. Hazırda kafedra “Biznes və logistika” adlanır.
Universitetdə Tədris prosesinin təşkilinin təkmilləşdirilməsi ilə əlaqədar UNEC-in Elmi Şurasının 29.06.2018-ci il tarixli iclasının qərarının icrasını təmin etmək məqsədilə “Marketinq” kafedrası 10.07.2018-ci il tarixdən ləğv edilmişdir. Ləğv edilmiş “Marketinq” kafedrasının əməkdaşları “Biznesin idarə edilməsi” kafedrasının ştat cədvəlinə daxil edilmişdir.
*
Kafedranın elmi potensialı
“Biznesin idarə edilməsi ”kafedrasının böyük elmi potensialı vardır. Belə ki, hal-hazırda kafedrada 2 iqtisad elmlər doktoru, 15 nəfər iqtisad üzrə fəlsəfə doktoru (9 nəfər dosent), 7 nəfər elmi dərəcəsi olmayan müəllim, 4 nəfər köməkçi heyət faəliyyət göstərir.
Son 10 ildə “Biznesin idarə edilməsi” kafedrası üzrə 10 iqtisad üzrə fəlsəfə doktoru və 1 elmlər doktoru dissertasiya işi müdafiə olunmuşdur.
Kafedranın elmi istiqamətini Azərbaycanda biznes fəaliyyətinin təşkili və idarə edilməsinin aktual problemlərinin tədqiqi təşkil edir.
Hal-hazırda kafedraya təhkim olunmuş 19 doktorant və dissertant ölkə iqtisadiyyatına töhvə verəcək müxtəlif səpkili müasir mövzular üzərində tədiqaqat işləri aparırlar.
Kafedra “Biznesin idarə edilməsi” və “Marketinq ”ixtisasları üzrə bakalavr pillələrində yüksək ixtisaslı iqtisadçı kadrların hazırlanması ilə məşğul olur.
Müasir bazar iqtisadiyyatı sisteminin müəyyən prinsip və qanunauyğunluqları vardır ki, bunlardan ən əsası rəqabətdir. Hazırda biznes vahidləri həcmindən, fəaliyyət sahəsindən, hüquqi formasından asılı olmayaraq rəqabət mühitində fəaliyyət göstərirlər. Belə bir şəraitdə onların nəinki uğur qazanmaları, ümumiyyətlə həyatda qalmaları və fəaliyyətlərini davam etdirmələri rəqabətqabiliyyətinə, rəqabət aparmaq güclərinə bağlıdır. Bu da yalnız biznesin idarə edilməsi üzrə müasir tələblərə uyğun yetişmiş ixtisaslı kadrların işə cəlb edilməsi ilə mümkündür.
“Biznesin idarə edilməsi” kafedrasının əsas məqsədi, müasir dövrün tələblərinə uyğun biznesi səmərəli, məhsuldar və mənfəətli həm təşkil, həm də idarə edəcək qabiliyyətlərə sahib kadrların yetişdirilməsidir.
“Biznesin idarə edilməsi” kafedrası respublikamızda “Biznesin idarə edilməsi” və “Marketinq” ixtisası üzrə bakalavr, magistratura və doktorantura pillələrində yüksək ixtisaslı iqtisadçı kadrların hazırlanması ilə məşğul olan yeganə kafedradır. Azərbaycan Respublikasında Sahibkarlıq Ordusunun yaranmasında kafedranın əməyi böyükdür.
*
Kafedranın hədəfləri. Kafedranın hədəflərinə, hər iki ixtisas üzrə praktiki, idarəetmə, ünsiyyət bacarıqları və qərar qəbuletmə bacarıqlarını aşılamaqla yanaşı yüksək idarəetmə qabliyyətinə malik biznesmenlər, həmçinin əsasən rəqiblər, vasitəçilər əlaqələndiricilər, KİV və dövlət sektorunda məhsul, xidmət, paylama, reklam və qiymətləndirmə üzrə tələbin təmin edilməsi yollarını göstərirən marketoloqların hazırlanması daxildir.
*
Kafedranın əsas məqsədi qloballaşmanın yalnız yerli çərçivədə deyil, həm də beynəlxalq ölçüdə nəzərə alınması yolu ilə getdikcə rəqabət mühitinə uyğunlaşa biləcək tələbələrə təhsil verməkdir.
“Biznesin idarə edilməsi” ixtisasının tədrisində əsas məqsəd iqtisadçı bakalavrlara biznes fəaliyyətinin təşkili və idarə edilməsinin nəzəri və praktiki məsələlərini, sahibkarlığın öncül sahələrinin inkişaf istiqamətlərini, biznes-layihələrini işlənib hazırlanması və reallaşdırılması mexanizmini, biznes-planın mahiyyəti və strukturunu, istehsal planını, investisiyanın planlaşdırılmasını, menecer qrupunun formalaşmasını, idarəetmə stilinin seçilməsini, biznesdə insan resurslarının idarə edilməsini, strateji idarəetmə və digər məsələləri öyrətməkdir.
Tələbə bu ixtisası bitirdikdən sonra biznesin növləri, onların məzmunu, biznes konsepsiyasının işlənib hazırlanması və fəaliyyət strategiyasının seçilməsini, qərb ölkələrində biznesin təşkili və idarə edilməsi sahəsində təcrübəni öyrənmə, Azərbaycanda biznes infrastrukturunu təşkil edən sərbəst bazarların formalaşması və inkişafının müasir vəziyyətini qiymətləndirmə imkanı əldə edəcək.
“Marketinq“ ixtisası tələbələrə şirkətlərin/müəssisələrin öz məhsul və xidmətlərini kimlərə, harda, hansı formada satmağı öyrədir. Marketinq bazarın araşdırlmasını özündə ehtiva edir, bu araşdırmalar nəticəsində bazara alıcıların tələbatına uyğun və digər bazar subyektləri ilə rəqabətdə davam gətirə biləcək məhsul/xidmətlərin təklif olunmasını öyrənir. Məhsulun və ya xidmətin satılacağı hədər qruplarının müəyyən edilməsi, reklam olunması bu peşə sahiblərinin üzərinə düşür.
Müəssisələrdə dəyər yaratma fəaliyyətini həyata keçirərkən, istehlakçıların ehtiyaclarına uyğun istehsal etmək üçün onlara qulaq asmaq lazımdır. İstədiyində istədikləri məhsulları istədikləri ölkələrə təqdim etmək üçün bu sahədə çalışacaq ixtisaslı insanlara ehtiyac var.
Bu ixtisasdan məzun olan tələbələr reklam idarəçiliyi, ictimai əlaqələr, özəl sektorda satış sektoru və hökumət sektoru, məhsul idarəçiliyindən müştəri əlaqələrinə, logistikadan marketinq araşdırmalarına qədər müxtəlif peşəkar qruplarda işləyə bilər. Bundan əlavə, rəqəmsal marketinq, e-ticarət, yeni və qloballaşan dünya ehtiyacları və peşə sərhədlərinin itməsi konsepsiyası sərhədləri kimi yönəldilə bilər.
Hər iki ixtisasın tədris proqramları xarici universitetlərin təcrübələrinə əsasən hazırlanmışdır.
“Biznesin idarə edilməsi” kafedrasında təhsil alan tələbələrə təhsil prosesində iş həyatına hazırlıqla bağlı master klas, seminar, görüşlər kimi bir sıra tədbirlər həyata keçirilir. Bunlardan ən əhəmiyyətlisi istehsalat təcrübələridir. Təcrübələr bir qayda olaraq, ölkənin aparıcı müəssisələrində həyata keçirilir.
Tədrisin keyfiyyətinin yüksəldilməsi istiqamətində kafedrada bir çox tədbirlər həyata keçirilir: professor-müəllim heyətinin açıq dərsləri təşkil edilir, gənc müəllimlərin təcrübə toplaması üçün onların kafedranın təcrübəli, qabaqcıl müəllimlərinin dərslərində iştirak etmələrinə şərait yaradılır. Bundan başqa kafedra əməkdaşları tutduğu vəzifədən asılı olmayaraq mübadilə proqramlarında və xarici universitetlərin müəllimləri ilə təşkil edilən təlimlərdə iştirak edərək daim öz potensialların artıraraq müxtəlif nüfuzlu universetlərin tətbiq etdiyi tədris metodlarını tələbələrimizə aşılayırlar.
*
Kafedranın əməkdaşlığı:
Kafedranın bəzi əməkdaşları AMEA-nın İqtisadiyyat İnstitutunun Dissertasiya Şurasında namizədlik dissertasiyasını müdafiə etmiş, orada fəaliyyət göstərən “AMEA-nın İqtisadiyyat İnstitutunun Elmi Əsərlər” toplusunda məqalələrini çap etdirirlər.
Kafedranın nazirliklər, təşkilatlar və biznes strukturları ilə sıx qarşılıqlı əlaqələri vardır. Belə ki, kafedra Azərbaycan Respublikasının İqtisadi İnkişaf Nazırliyinin Bakı Biznes Tədris Mərkəzi ilə sıx əməkdaşlıq edir.
Eyni zamanda Azərbaycan Sahibkarlar Konfederasiyasının dövri mətbu orqanı olan “Biznes Həyatı” jurnalının gələcəkdə təkmilləşdirilməsi üçün xüsusi təkliflərlə çıxış etmişdir:
Belə ki, İqtisadi potensialdan səmərəli istifadə sahəsində dövlət-xüsusi biznes tərəfdaşlığının idarəetmə mexanizmlərinin təkmilləşdirilməsi;
Xarici ölkələrlə elmi əməkdaşlıq
“Biznesin idarə edilməsi” kafedrası Türkiyə Cumhuriyyətinin Ankara Hacıtəpə Universitetinin “İqtisad və idarəetmə” fakültəsi ilə əməkdaşlıq edir.
Strateji Yol Xəritəsində nəzərdə tutulan tədbirlər planına uyğun olaraq kafedra:
Kafedranın əməkdaşları təhsildə göstərdikləri fəaliyyətlərinə görə mütəmadi olaraq AR Prezidenti, AR Təhsil Naziriyi, UNEC-ın rektoru və müxtəlif hökümət və qeyri hökümət təşkilatları tərəfindən mükafatlandırırlar.
Türkiyənin İstanbul Universiteti, Sakarya Universiteti, Hacettepe Universiteti, Mərmərə Universiteti ilə qarşılıqlı əməkdaşlıq müqavilələri əsasında TEC konfranslarının kecirilməsində, elmi məqalə və tezislərin nəşr edilməsində əməkdaşlıq edilir.
Kafedranın elmi istiqamətini Azərbaycanda biznes fəaliyyətinin təşkili və idarə edilməsinin aktual problemlərinin tədqiqi təşkil edir. 2020-ci ildə kafedranın professor-müəllim heyəti tərəfindən “Dövlət – xüsusi biznes institutunun formalaşması və inkişaf problemləri” mövzularında büdcə təyinatlı elmi-tədqiqat işləri yerinə yetirilmişdir. Elmi-tədqiqat işlərində əldə olunan nəticələr, təklif və tövsiyələr “AMV Consulting” şirkətində istifadə olunmaq üçün göndərilmişdir.
Eyni zamanda kafedra əməkdaşları yerli və xarici nəşrlərdə, o cümlədən impakt faktorlu jurnallarda, Beynəlxalq konfranslarda mütəmadi olaraq elmi əsərlərlə çıxışlar edirlər. Kafedra əməkdaşları tərəfindən müxtəlif istiqamətlər üzrə yazılmış büdcə təyinatlı işlərinin nəticələri mühüm əhəmiyyət kəsb edir.
Kafedranın əməkdaşları tərəfindən son illər 250-dan çox elmi məqalə müxtəlif jurnallarda, o cümlədən 40 məqalə xarici ölkələrin nüfuzlu jurnallarında nəşr edilmişdir.
*
Kafedra müəllilərinin elmi əsərləri
Kafedrada aşağıda adları qeyd edilən dərslik, dərs vəsaitləri, monoqrafiyalar AR Təhsil Nazırliyinin qrifi ilə nəşr olunmuşdur.
-Biznesin əsasları
-Biznesin təşkili və idarə edilməsi
-Korporativ idarəetmə
-Biznesdə insan resurslarının idarə edilməsi
-Maliyyə biznesi
-Biznes əlaqələri
-Biznes plan
-Biznesin təhlükəsizliyi
-Biznesin etikası
-Kiçik və orta sahibkarlıq subyektlərinin idarəedilməsi
-Xidmət sahələrinin marketinqi
-İstehlakçı davranışının idarə edilməsi
-Marketinq tədqiqatları
Kafedrada istehsalat təcrübəsinə rəhbərlik etmək üçün sahə üzrə təcrübəli müəllimlər seçilir. İstehsalat təcrübəsi keçən tələbələrlə geniş izahat işi aparılır, istehsalat təcrübəsində səmərəli istifadə etmək yolları müəyyən olunur. Bundan başqa vaxtaşırı istehsalat təcrübəsi obyektlərində olan müəllimlər gündəlik öyrənilən təcrübə ilə bağlı sənədin (gündəliyin) tərtib olunmasında, hesabatların yazılmasında, sənədlərdən istifadə qaydalarını tələbələrə dərindən öyrədilməsində bilavasitə iştirak edirlər. Təcrübə rəhbərləri xüsusi qrafik üzrə işləyir və kafedrada həmin qrafikə riayət edilməsinə ciddi nəzarət aparılır. Bütün tələbələr istehsalat təcrübələrinin keçirilməsinə dair Əsasnamə ilə tanış edilirlər.
“Biznesin idarə edilməsi” və “Marketinq ”ixtisaslarında təhsil alan tələbələr ixtisaslarına uyğun müəssisə və şirkətlərdə istehsalat təcrübəsi keçir və gələcək karyeraları üçün bilik və bacarıqlarını artırırlar. Karyera planlaması zamanı “Karyera nədir”, “Peşə və maraq nədir?”, “Bacarıq anlayışı nədir?” və “Karyera quruculuğuna nə zaman başlamalı?” kimi məsələləri dərindən öyrənirlər.
