Azərbaycan Dövlət İqtisad Universiteti 21 ixtisas üzrə əcnəbilərin bakalavriat və magistratura səviyyələrində tələbə qəbulunu elan edir. Təhsil azərbaycan, rus, türk və ingilis dillərində aparılır. Qəbul elektron formada həyata keçirilir. Əcnəbi abituriyentlər portal.edu.az saytı vasitəsilə ixtisas və tədris dili seçimini edərək tələb olunan sənədləri elektron qaydada təqdim edir və müvafiq tələblərə cavab verdikləri halda təhsil alma hüququnu qazanırlar. Əcnəbi vətəndaşlardan müvafiq sənədlərlə yanaşı tövsiyə məktubu da tələb olunur. Lazım gəldikdə abituriyentlər “Skype” və ya telefon vasitəsilə müsahibəyə dəvət edilir. Qeyd edək ki, UNEC QS reytinq agentliyinin İnkişaf Etməkdə olan Avropa və Mərkəzi Asiya Universitetlərinin sıralamasında iqtisadyönümlü 4-cü universiteti olmaqla, regionun ən yaxşı 200 universiteti arasında qərarlaşıb.
Azərbaycan Dövlət İqtisad Universitetində (UNEC) əcnəbi tələbələrin qəbulu elektron formada həyata keçirilir. UNEC-də təhsil almaq istəyən hər bir əcnəbi vətəndaşlığı olan şəxslər tələb olunan sənədləri portal.edu.az internet səhifəsində fərdi kabinet vasitəsilə təqdim etməlidirlər. Sənədlərin qəbulu Bakalavr, Magistratura və Doktorantura pillələrinə uyğun tələb olunan sənədlər əsasında aparılır. Əcnəbi vətəndaşlığı olan şəxslər təhsil almaq istədikləri təhsil pilləsini seçərək fərdi kabinetlərinə tələb olunan sənədləri daxil edərək müraciət edə bilərlər. Qəbul prosesinin növbəti mərhələsində, ümumi qəbul qaydalarına əsasən bütün beynəlxalq müraciətçilərin sənədləri yoxlanılır və sənədləri qaydasındadırsa, növbəti mərhələdə Azərbaycan Dövlət İqtisad Universitetinə qəbul haqqında Sizə dəvət məktub göndəriləcəkdir.